अखबार नेपाल ट्रेन्डिङ

एजेन्सीः इन्टर मिलानलाई २-१ गोल अन्तरले पराजित गर्दै युभेन्ट्स कोपा इटालिया फुटबलको फाइनलमा प्रवेश गरेको छ ।

गएराति भएको सेमिफाइनलको दोस्रो लेगमा युभेन्ट्स र इन्टरले गोलरहित बराबरी खेलेका थिए ।

पहिलो लेगमा निकालेको जितले युभेन्ट्स फाइनल प्रवेश गरेको हो ।

इन्टरको मैदानमा पहिलो लेगमा युभेन्ट्सले २-१ को जित निकालेको थियो । युभेन्ट्स लगातार दोस्रो सिजन कोपा इटालियाको फाइनलमा प्रवेश गरेको हो ।

गत सिजन युभेन्ट्स नापोलीसँग फाइनलमा पेनाल्टी सुटआउटमा ४-२ ले पराजित भएको थियो ।

उपाधिको लागि युभेन्ट्सले नापोली र एटलान्टाबीचको विजेतासँग खेल्नेछ ।

दुई टोलिबीचको दोस्रो लेग बुधबार राति हुनेछ । कोपा इटालियाको फाइनल मे १९ मा हुनेछ ।