स्पेनिस ला लिगा फुटबलमा रियल मड्रिडको सहज जित
वि.सं.२०७७ माघ २८ बुधवार ०८:३७
एजेन्सीः स्पेनिस ला लिगामा गेटाफेलाई २-० गोल अन्तरले पराजित गर्दै रियल मड्रिडले सहज जित निकालेको छ ।
घरेलु मैदानमा रियललाई जित दिलाउन करिम बेन्जिमा र फर्लान्ड मेन्डीले एक एक गोल गरे ।
पहिलो हाफ गोलरहित बराबरीमा सकिएको खेलमा ६०औं मिनेटमा बेन्जिमाको गोलबाट रियलले अग्रता बनाएको थियो ।
खेलको ६६औं मिनेटमा मेन्डीले गोल गर्दै रियललाई २-० को सहज जित दिलाए ।
जितसँगै रियल लिगको दोस्रो स्थानमा उक्लिएको छ ।
रियलले २२ खेलमा ४६ अंक जोडेको छ । एट्लेटिकोको ५१ अंक रहेको छ । गेटाफे २४ अंक जोडेर १३ औं स्थानमा रहेको छ ।
वि.सं.२०७७ माघ २८ बुधवार ०८:३७