अखबार नेपाल ट्रेन्डिङ

काठमाडौं: अखिल नेपाल फुटबल संघ(एन्फा)मा ४ करोडभन्दा बढी पेश्की फछ्र्यौट हुन बाँकी रहेको पाइएको छ ।

विभिन्न व्यक्ति, संस्था तथा जिल्ला फुटबल संघले समय–समयमा विभिन्न शीर्षकमा लिएको पेश्की फछ्र्यौट गर्न बाँकी छ ।

आर्थिक वर्ष २०७६/ ०७७ को असार मसान्त सम्ममा फछ्र्यौट हुन बाँकी पेश्की रकम ४ करोड ८९ लाख ७ हजार ५ सय ७२ रहेको छ ।

विश्व फुटबलको संस्था फिफा, एसियन फुटबल फेडेरेसन (एएफसी) र नेपाल सरकारको अनुदानबाट चल्ने एन्फाको खाताबाट विभिन्न शीर्षकमा  पेश्की लिने व्यक्तिले इमान्दारिता नदेखाइ दिँदा फछ्र्यौट नगरेको एन्फा स्रोत बताउँछ ।

पेश्की रकम सबैभन्दा बढी फिफाको खाताबाट लिइएको छ ।

फिफाको खाताबाट २ करोड ६० लाख २७ हजार ३० रुपैया लिएको छ ।

एन्फाको खाताबाट १ करोड ४६ लाख २४ हजार ५ सय ८ रुपैया छ ।

यस्तै एएफसीको खाताबाट ८२ लाख ५६ हजार ३४ रुपैया छ ।

एन्फाबाट पेश्की लिएर फछ्र्यौट नगर्नेमा पूर्व फुटबलर, एन्फा पदाधिकारी, जिल्ला संघ तथा विभिन्न संस्थाहरु रहेका छन् ।

एन्फाको अडिट रिर्पोटमा ५ लाख भन्दा बढी पेश्की लिनेको छुट्टै सूची बनाइएको छ ।

जसमा एन्फाका पदाधिकारी देखि जिल्ला संघहरु छन् ।

पेश्की लिने कति व्यक्तिहरु मृत्युवरण समेत भैसकेका छन् ।

तर, पनि उनीहरको नाममा एन्फाको पेश्की बाँकी छ ।

एन्फाका पूर्वकार्यवहाक अध्यक्ष स्वर्गीय ललितकृष्ण श्रेष्ठ र पूर्वमहासचिव स्वर्गीय लोकबहादुर शाहीको नाममा पनि पेश्की फछ्र्यौट बाँकी छ ।

एन्फाका पदाधिकारी र जिल्ला संघहरुले विभिन्न कार्यक्रममा लिएको बजेट फछ्र्यौट नगर्दा समस्या भएको एन्फा स्रोत बताउँछ ।

पेश्की फछ्र्यौट गराउनै समस्या: एन्फा स्रोत

जिल्ला संघ र स्वर्गीय भइसकेका व्यक्तिहरुको नाममा रहेको पेश्की फछ्र्यौट गर्न समस्या भएको एन्फा स्रोतले बताएको छ ।

फछ्र्यौटलाई प्राथमिकता दिएका छौं ।

कतिपय जिल्ला संघ भनेर मात्रै तोक्ता अहिले त्यसमा संघ मात्रै भएको छ ।

त्यतिबेलाका पदाधिकारी अहिले परिवर्तन भइसकेका छन्, ’ एन्फा स्रोतले भन्यो, ।

‘कति व्याक्तिहरु मृत्युवरण भैसकेका छन् ।

त्यस्तो अवस्थामा कसरी फछ्र्यौट गराउने ।’

जिल्ला संघमा कार्यसमिति परिवर्तन भएपछि  नयाँ कार्यसमितिले जिम्मा नलिइ दिँदा समस्या भइरहेको एन्फा स्रोतले बताएको छ ।

यो पनि पढ्नु होस्

https://www.akhabarnepal.com/%e0%a4%ac%e0%a4%be%e0%a4%b0%e0%a5%8d%e0%a4%b8%e0%a4%bf%e0%a4%b2%e0%a5%8b%e0%a4%a8%e0%a4%be-%e0%a4%95%e0%a5%8b%e0%a4%aa%e0%a4%be-%e0%a4%a1%e0%a5%87%e0%a4%b2-%e0%a4%b0%e0%a5%87%e0%a4%95%e0%a5%8b/