१३औं दक्षिण एशियाली खेलकुद सागमा नेपालले हासिल गरेको स्वर्णको संख्या निकै ठूलो उपलब्धि होः प्रधानमन्त्री ओली
वि.सं.२०७७ माघ २० मंगलवार १६:१५
काठमाडौं: प्रधानमन्त्री केपी शर्मा ओलीले गत वर्ष १३औं दक्षिण एशियाली खेलकुद सागमा नेपालले पाएको उपलब्धिलाई निरन्तरता दिनुपर्नेमा जोड दिएका छन् ।
राष्ट्रिय खेलकुद परिषद राखेपले आज आयोजना गरेको खेलकूदसँग प्रधानमन्त्री कार्यक्रममा प्रधानमन्त्री ओलीले १३औं सागमा नेपालले हासिल गरेको स्वर्णको संख्या निकै ठूलो उपलब्धि रहेको बताए ।
खेलाडीले दिलाएको सागको नतिजा असाधारण उपलब्धि रहेको बताउँदै ओलीले नेपालको खेलकुदको अन्तर्राष्ट्रिय उपलब्धिलाई निरन्तरता दिनुपर्ने आग्रह गरे ।
प्रधानमन्त्री ओलीले १३औं दक्षिण एशियाली खेलकुद सागमामा प्राप्त गरेको ५१ वटा स्वर्ण पदक ऐतिहासिक उपलब्धि समेत रहेको बताए ।
उनले भने,‘नेपाल साग लेवलमा दोश्रोमा छ र सधैं दोश्रोमा रहिरहन पर्छ भन्ने कहाँ उल्लेख छ । त्यसैले प्राप्त उपलब्धिलाई निरन्तरता दिनको निम्ति रजत र कास्य पदक अरुलाई बाड्ने र स्वर्ण पदक आफैल राख्नुपर्छ ।’
प्रधानमन्त्री ओलीले खेल क्षेत्रमा थप उर्जाशिल र स्वस्थ बनाउन प्रशिक्षक र संघहरुलाई खेलाडीको क्षमता अनुरुप छनौट गर्न आग्रह गर्दै क्षमतावान खेलाडी छनौट भएमा मात्र अझ ठूल्ठूला नतिजा हासिलि गर्दै जाने उल्लेख गरे ।
वि.सं.२०७७ माघ २० मंगलवार १६:१५