श्रीलंकालाई दोस्रो टेष्टमा इंग्ल्यान्डको ६ विकेटको जित
वि.सं.२०७७ माघ १३ मंगलवार ११:२०
2K
shares
एजेन्सी – श्रीलंकासँगको दोस्रो टेष्ट खेलमा इंग्ल्यान्डले ६ विकेटको जित निकाल्दै दुई टेष्ट खेलको सिरिजमा क्लिनस्वीप गरेको छ ।
उक्त विजयी लक्ष्य इंग्ल्यान्डले ४३.३ ओभरमा ४ विकेट गुमाउँदै पूरा गर्यो ।
इंग्ल्यान्डका ओपनर डोम सिब्ले १ सय ४४ बलमा २ चौका सहित ५६ रनमा अविजित रहे ।
विकेटकिपर जस बटलर ४८ बलमा ५ चौका सहित ४६ रनमा अविजित रहे ।
ज्याक क्रली १३, जोनी बेयरस्टो २९, जो रुट ११ र ड्यान लरेन्स २ रनमा आउट भए ।
श्रीलंका स्पिनर लसिथ एम्बुल्डेनियाले ३ विकेट लिए ।
श्रीलंकाले पहिलो इनिङमा ३७ रनको अग्रता लिएको थियो ।
दोस्रो इनिङमा श्रीलंका ३५.५ ओभरमा १ सय २६ रनमा अल आउट भएपछि इंग्ल्यान्डले सामान्य लक्ष्य पाएको थियो ।
श्रीलंकाका लागि एम्बुल्डेनियाले तल्लोक्रममा ४२ बलमा ६ चौका र १ छक्का सहित सर्वाधिक ४० रनको योगदान दिए ।
कुशल परेरा १४, लाहिरु थिरिमाने १३, रमेश मेन्डिस १६ रन बनाउन बाहेक अन्य कुनैपनि खेलाडीले राम्रो प्रर्दशन गर्न सकेनन् ।
इंग्ल्यान्डका ज्याक लेच र डोम बेसले ४–४ विकेट लिए ।
कप्तान जो रुटले २ विकेट लिएका थिए ।
इंग्ल्यान्ड पहिलो इनिङमा ३ सय ४४ रनमा अल आउट भएको थियो ।
इंग्ल्यान्डका कप्तान जो रुट ३ सय ९ बलमा १८ चौका सहित १ सय ८६ रनमा रन आउट हुन पुगेका थिए ।
रुटको टेष्ट करिअरको १९ औं शतक थियो ।
रुटले टेष्टमा ९ औं पटक १ सय ५० रनको माथिको इनिङ खेलेका हुन् ।
रुट तेस्रो दिनको अन्तिम समयमा रन आउट हुन पुगेपछि दोहोरो शतक बनाउन चुकेका थिए ।
यसअघि पहिलो टेष्ट खेलमा रुटले श्रीलंकाविरुद्ध २ सय २८ रनको उत्कृष्ट दोहोरो शतकीय इनिङ खेलेका थिए ।
पाँचौं विकेटका लागि रुट र जस बटलरले ९७ रनको साझेदारी गरेका थिए ।
बटलर ९५ बलमा ७ चौका सहित ५५ रनमा क्याच आउट भए ।
सातौं विकेटका लागि रुटले डोम बेससँग ८२ रनको साझेदारी गरेका थिए ।
बेस ९५ बलमा ४ चौका सहित ३२ रनमा आउट भए ।
साम करण १३, ड्यान लरेन्स ३ र मार्कवुड १ रनमा आउट भए ।
जोनी बेयरस्टो २८, ज्याक क्रली ५ र डोम सिब्लेले शून्यमा आउट भए ।
श्रीलंका अफस्पिनर लसिथ एम्बुल्डेनियाले ४१ ओभरमा ६ मेडन सहित १ सय ३२ रन खर्चेर ७ विकेट लिए ।
त्यसअघि टस जितेर पहिला ब्याटिङ थालेको श्रीलंका पहिलो इनिङमा ३ सय ८१ मा अल आउट भएको थियो ।
श्रीलंका अनुभवी ब्याट्सम्यान एन्जिलो म्याथ्युजले २ सय ३८ बलमा ११ चौका सहित १ सय १० रनमा आउट भए ।
निरोसन डिक्वेला १ सय ४४ बलमा १० चौका सहित ९२ रनमा आउट भए ।
कप्तान दिनेश चान्डिमल १ सय २१ बलमा ४ चौका र १ छक्का सहित ५२ रनमा मार्कवुडको एलबिडब्लु धरापम परे ।
चौथो विकेटका लागि चान्डिमल र म्याथ्युजले १ सय १७ रनको उत्कृष्ट साझेदारी गर्दै टोलीलाई राम्रो सुरुवात दिलाएका थिए ।
तीव्र गतिका बलर जेम्स एन्डरसनले पाँचौं ओभरको पहिलो बलमा ओपनर कुशल परेरालाई ६ रनमा कप्तान जो रुटबाट क्याच गराउँदै पहिलो सफलता दिलाएका थिए ।
ओशादो फर्नान्डोलाई एन्डरसनले शून्यमै बोल्ड आउट गरे ।
लाहिरु थिरिमानेलाई एन्डरसनले जस बटलरबाट ४३ रनमा क्याच गराउँदै शीर्षक्रम धरासय बनाएका थिए ।
थिरिमानेले ९५ बलमा ५ चौका प्रहार गरे ।
तल्लोक्रममा दिलुरुवान परेरा १ सय ७० बलमा ८ चौका र १ छक्का सहित ६७ रनमा आउट भए ।
इंग्ल्यान्डका जेम्स एन्डरसनले २९ ओभरमा १३ ओभरमा ४० रन खर्चेर ६ विकेट लिए ।
मार्कवुडले ३ विकेट लिए ।
पहिलो टेष्टमा इंग्ल्यान्ड ७ विकेटले विजयी भएको थियो ।
कप्तान जो रुट खेलको ‘प्लेयर अफ द म्याच’ र सिरिज दुबै चुनिएका छन् ।
पहिलो टेष्टको पहिलो इनिङमा २ सय २८ रनको दोहोरो
शतकीय इनिङ खेलेका थिए । दोस्रो टेष्टमा १ सय ८६ रनको दोहोरो शतकीय इनिङ खेलेका थिए ।
इंग्ल्यान्डले अव भारतसँग चार टेष्ट, पाँच टि२० आई र तीन ओडिआई खेलको सिरिज खेल्ने छ ।
पहिलो टेष्ट फेब्रुअरी ५ देखि चेन्नईमा सुरुहुने छ । श्रीलंका तत्काल सिरिज निश्चित छैन ।
यो पनि पढ्नु होस्
वि.सं.२०७७ माघ १३ मंगलवार ११:२०
वि.सं.२०८३ भदौ २५ बिहीवार ०८:५४
काठमाडौं: म्युचुएल एकेडेमिक एक्टिभिटिज फोरम (माफ)को आयोजनामा आठौं माफ अन्तरविद्यालय...
वि.सं.२०८३ भदौ २३ मंगलवार ०९:४६
काठमाडौं: एक्सट्रिम नेपाल भलिबल लिग (एनभिएल) प्रतियोगिता अन्तर्गत मंगलबारको पहिलो...
वि.सं.२०८३ भदौ १८ बिहीवार ११:००
ताप्लेजुङ । चौथो ताप्लेजुङ गोल्डकप फुटबल प्रतियोगिताको उपाधिका लागि पाँचथरको...
वि.सं.२०८३ भदौ १८ बिहीवार १०:३१
काठमाडौं : पुरुष भलिबलको फ्रेन्चाइज लिग नेपाल भलिबल लिग (एनभिएल)...
वि.सं.२०८३ भदौ १२ शुक्रवार १७:५७
काठमाडौं: नेपाली फाइटर रवीन्द्र ढाँट रोड टु युएफसी सिजन–५ को...
वि.सं.२०८३ साउन २० बुधवार १८:३१
काठमाडौं: हङकङमा क्रियाशील ब्रदर्स एफसीले नेपाल भ्रमणका क्रममा कलाकार, पत्रकार...
