अखबार नेपाल ट्रेन्डिङ

काठमाडौं: बुधबारबाट सुरु भएको राष्ट्रिय महिला लिग फुटबल अन्तर्गत आज दुई खेलहरु हुँदैछ ।

सातदोबाटोस्थित एन्फा कम्प्लेक्समा हुने पहिलो खेलमा एपीएफ क्लबले रौतहटको चन्द्रपुर नगरपालिकासँग प्रतिस्पर्धा गर्दैछ ।

यी दुईबीचको खेल ११:३० बाट सुरु हुनेछ ।

साविक विजेता समेत रहेको एपीएफ चन्द्रपुरलाई हराएर सुखद सुरुवात गर्ने लक्ष्यमा रहेको छ ।

महिला लिग अन्तर्गत नै अर्को खेलमा विराटनगर महानगरपालिका मोरङ र वालिङ नगरपालिका स्याङ्जाबीच प्रतिस्पर्धा हुनेछ ।

विराटनगर र वालिङबीचको खेल ३:३० बजे सुरु हुनेछ । दुबै टिम जित निकाल्दै सुखद सुरुवात गर्ने योजनामा हुने छन् ।

महिला लिगमा तीन विभागीयसहित ७ टिमले प्रतिस्पर्धा गरिरहेका छन् ।