अखबार नेपाल ट्रेन्डिङ

काठमाडौं: नेपाली कांग्रेसले प्रतिनिधिसभा विघटनविरुद्ध आज वडास्तरीय प्रदर्शन गर्दैछ ।

कांग्रेसले देशभरका ६ हजार ७ सय ४३ वडामा प्रदर्शन गर्न लागेको हो । सभापति शेरबहादुर देउवाले वडास्तरीय प्रदर्शनमा सहभागी हुन अपील गरेका छन् ।

प्रतिनिधि सभा विघटनको कदमलाई असंवैधानिक र अलोकतान्त्रिक ठहर गर्दै कांग्रेसले पुस १३ गते १ सय ६५ निर्वाचन क्षेत्रमा विरोध प्रदर्शन गरेको थियो ।

पुस २५ गते विरोध प्रदर्शनलाई थप विस्तार गर्दै ३ सय ३० प्रदेशसभा निर्वाचन क्षेत्रमा र माघ ३ गते ७ सय ५३ स्थानीय तहमा विरोध गरेको थियो ।