पोर्चुगलका फरवार्ड क्रिस्टियानो रोनाल्डोको विश्वकप जित्ने सपना
वि.सं.२०७७ पुस १६ बिहीवार १३:०८
2.1K
shares
काठमाडौं : पोर्चुगलका तथा युभेन्ट्सका फरवार्ड क्रिस्टियानो रोनाल्डोले अझै धेरै वर्ष फुटबल खेललाई निरन्तरता दिने आशा राखेका छन् ।
विश्वकप जित्नु उनको ड्रिम रहेको छ ।
पाँच पटकको बालोन डे ओर विजेता रोनाल्डो यस सिजन सिरी ए मा सर्वाधिक गोलकर्ताको रुपमा छन् ।
यद्यपि साविक विजेता युभेन्ट्स भने शीर्ष स्थानको एसी मिलानभन्दा १० अंकलेपछि रहँदै छैटौं स्थानमा छ ।
३५ वर्षीय रोनाल्डोलाई अन्तर्राष्ट्रियस्तरमा कीर्तिमानी १०९ गोल गरेका इरानका अली दाईको कीर्तिमान बराबरी गर्न ७ गोल आवश्यक छ ।
उमेरले कुनै असर गर्दैन ।
महत्वपूर्ण भनेको मन हो,’ रोनाल्डोले भने , ‘यदि क्रिस्टियानो रोनाल्डले राम्रो छ भने त्यसले असर गर्दैन ।
तपाईंलाई थाहा छैन भोलि के हुनेछ । म वर्तमान अवस्थामा बाँच्छु ।’
‘यो क्षण राम्रो छ । म खुसी छु । मेरो जीवनमा मैले राम्रो अनुभव गरेको छु ।
मैले अझ धेरै वर्ष खेल्ने मेरो आशा छ तर तपाईंलाई केही थाहा हुँदैन,’ उनले भने, ‘यो फुटबल हो ।
भोलि के हुँदैछ हामीलाई थाहा हुँदैन ।
जब म युवाहरुसँग कुरा गर्छु म उनीहरुलाई यो क्षणमा रमाइलो गर्नुस् ।
भन्छु किनकि हामीलाई थाहा हुँदैछ के हुनेछ भनेर मेरो आँखाले भविष्य धेरै राम्रो देखेको छ ।
त्यसैले म यसमा खुसी छु ।’
रोनाल्डोले आफ्नो करियर पोर्चुगिज क्लब स्पोर्टिङबाट सुरु गरेका थिए ।
जहा उनले सन् २००२ देखि २००३ सम्म ३१ खेल खेले ।
त्यसपछि उनी १८ वर्षको उमेरमा इंग्लिस क्लब म्यानचेष्टर युनाइटेड पुगे ।
युनाइटेडमा ६ वर्ष बिताउँदा उनले २९२ खेल खेले ।
त्यसपछि सन् २००९ मा उनी स्पानिस क्लब रियल मड्रिड पुगे ।
२०१८ सम्म रियलमा खेलेर उनी इटालियन क्लब युभेन्ट्स गएका थिए ।
सन् २०१६ मा रोनाल्डोले पोर्चुगलका लागि युरो कप जिते ।
रोनाल्डोले अब आफ्नो ड्रिम विश्वकप भएको बताएका छन् ।
सन् २०२२ मा कतारमा फिफा विश्वकप हुँदा रोनाल्डो ३७ वर्ष हुनेछन् ।
उनले विश्वकपमा पोर्चुगलको सम्भावना रहेको समेत बताएका छन् ।
उनी २०२० मा स्थगित भएको युरोपकपमा पनि विभिन्न कीर्तिमान नजिक छन् ।
तर उनको सम्भावित उपलब्धि हेर्न दर्शकहरु स्टेडियमा प्रवेश पाउँछन् पाउँदैनन् निश्चित छैन ।
‘मलाई दर्शकविना स्टेडियममा खेल्न मन पर्दैन ।
यो सर्कस जस्तै हुन्छ तर तपाईं जोकर देख्नुहुन्न,’ रोनाल्डोले भने, ‘यस महामारीले मानिसहरूलाई बौलाहा बनाएको छ ।
मलाई आशा छ कि चाँडै उनीहरूले स्टेडियमको ढोका खोल्न सक्नेछन् ।
हामीले यससँगै बाँच्नु पर्छ, हामीले सामान्य जीवनको लागि प्रयास गर्नुपर्दछ ।
तर निस्सन्देह हामीले नियमहरूको सम्मान गर्नुपर्दछ ।
तर फ्यानहरु बिना खेल्नु, मलाई यो वास्तवमै मनपर्दैन ।’
यो पनि पढ्नु होस्
वि.सं.२०७७ पुस १६ बिहीवार १३:०८
वि.सं.२०८३ कात्तिक १० मंगलवार १०:१८
काठमाडौं: नेपाल प्रिमियर लिग (एनपीएल)मा आज दुई खेल हुँदैछन् ।...
वि.सं.२०८३ कात्तिक १० मंगलवार १०:०१
काठमाडौं: बायर्न म्युनिखका स्टार स्ट्राइकर ह्यारी केन र बार्सिलोनाकी कप्तान...
वि.सं.२०८३ कात्तिक ९ सोमवार ११:०५
काठमाडौं: नेपाल प्रिमियर लिग (एनपीएल) को तेस्रो संस्करण आजदेखि टियु...
वि.सं.२०८३ कात्तिक ७ शनिवार १३:४५
विश्वविख्यात महान फुटबल खेलाडी लियोनेल मेस्सीले स्पेनको प्रतिष्ठित 'प्रिन्सेस अफ...
वि.सं.२०८३ असोज २६ सोमवार १२:२३
काठमाडौं: दोस्रो संस्करणको सुनुवार राष्ट्रसेवक कप फुटसल प्रतियोगिता २०८३ को...
वि.सं.२०८३ असोज १९ सोमवार १७:५२
काठमाडौं: जोरपाटी फुटबल क्लवद्वारा आयोजित गोकर्णेश्वर राष्ट्रिय सेभेन 'ए' साइड...
