अखबार नेपाल ट्रेन्डिङ

ललितपुर: नेपाल बुद्धिचाल संघका संस्थापक अध्यक्ष स्व: नारायणकृष्ण जोशीको १३औं दिनको पुण्यस्मृतिमा खुला रेपिड संस्थापक रेटिङ चेस प्रतियोगिता आइतबारदेखि सुरु भएको छ ।

लुँखुसी ललितपुरस्थित श्रमजित किशोर माविमा सञ्चालित प्रतियोगिताको पहिलो दिन ३ चरणका खेलहरू सम्पन्न भए । जसमा पूर्व नेपाल च्याम्पियनद्वय फिडेमास्टर मनीष हमाल, सुरबीर लामासहित मिलन लामा, सजिन महर्जन, युवराज पौडेल र माउण्ट एभरेष्ट चेस एण्ड सोसियल क्लब जोरपाटीका क्षितिज भण्डारी समान ३ अंकका साथ संयुक्तरूपमा शीर्षस्थानमा रहेका छन् ।

ललितपुर स्पोर्टस क्लबद्धारा आयोजित प्रतियोगितामा स्वीस लिग ९ चरणका खेल हुनेछ । दुई दिने खेलमा उत्कृष्ट २५ जनाको लागि कुल ८५ हजार नगद पुरस्कार रहेको छ । जसमा विजेता खेलाडीले नगद १५ हजार, दोस्रो हुनेले १० हजार, तेश्राले ७ हजार पुरस्कार पाउनेछन् । प्रतियोगितामा १२ जिल्लाबाट ६७ जना खेलाडीहरू सहभागी छन् । विजयी तथा सहभागीहरूलाई सोमबार पुरस्कृत गरिने आयोजक क्लबका अध्यक्ष हेराकाजी महर्जनले बताए ।

यो पनि पढ्नु होस् ।

https://www.akhabarnepal.com/%e0%a4%85%e0%a4%97%e0%a5%8d%e0%a4%b0%e0%a4%a4%e0%a4%be-%e0%a4%9c%e0%a5%8b%e0%a4%97%e0%a4%be%e0%a4%89%e0%a4%a8-%e0%a4%a8%e0%a4%b8%e0%a4%95%e0%a5%8d%e0%a4%a6%e0%a4%be-%e0%a4%b2%e0%a4%bf%e0%a4%ad/