अखबार नेपाल ट्रेन्डिङ

एजेन्सीः पोल्याण्डका रोबर्ट लेवान्डोस्किले वर्षको उत्कृष्ट पुरुष खेलाडी फिफा द बेस्टको अवार्ड जितेका छन् ।

उनले लियोनल मेस्सि र क्रिष्टियानो रोनाल्डोलाई पछि पार्दै फिफा द बेस्ट २०२० को अवार्ड जितेका हुन् ।

स्विट्जरल्याण्डको जुरिकमा भर्चुअल माध्यमबाट भएको फिफा द बेस्ट अवार्ड कार्यक्रममा लेवान्डोस्किलाई वर्षभरिको प्रदर्शनको आधारमा फिफाको वर्ष उत्कृष्ट पुरुष खेलाडी घोषणा गरिएको हो ।

पोलिस स्ट्राईकर लेवान्डोस्किले गत सिजन खेलेका ४७ खेलमा ५५ गोल गर्दै जर्मन क्लब वायर्नलाई बुन्डेसलिगा र च्याम्पियन्स् लिगसहित तीन ठूला प्रतियोगिताको उपाधि जिताएका थिए ।

३२ वर्षिय लेवान्डोस्कि गत सिजन लिग, कप र च्याम्पियन्स् लिग तीनै प्रतियोगितमा सर्वाधिक गोलकर्ता भएका थिए ।

यस विधाको विजेता राष्ट्रिय टिमका कप्तान, मुख्य प्रशिक्षक, समर्थकहरुबाट अनलाईन मार्फत प्राप्त मत तथा २०० जना खेल पत्रकारहरुको मतको आधारमा तय गरिन्छ ।