अखबार नेपाल ट्रेन्डिङ

काठमाडौं: म्यानचेस्टर सिटी ईग्लिस एफए कप फुटबलको फाइनलमा प्रवेश गरेको छ । गएराति भएको खेलमा ब्राइटनलाई १-० गोल अन्तरले पराजित गर्दै सिटी उपाधि नजिक पुगेको हो । वेम्बली स्टेडियममा सिटीलाई जित दिलाउन गाब्रियल जिसस नायक बने । खेलको तेस्रो मिनेटमा जिससले गरेको गोल नै सिटीको जितमा प्रयाप्त बन्यो । खेलमा बल पोजिसनमा एकतर्फी पकड जमाएपनि सिटीले थप गोल गर्न सकेन । ब्राइटनले समेत गोलको केहि मौकालाई सदुपयोग गर्न सकेनन् । अब सिटीले उपाधिका लागि वुल्भ्स र वाट्फोर्डबीचको विजेतासँग खेल्नेछ ।