अखबार नेपाल ट्रेन्डिङ

एजेन्सी: प्रिमियर लिग फुटबलमा आर्सनललाई लिभरपुलले ३-१ गोल अन्तरले हराएको छ ।

लण्डन क्लबविरुद्ध जित निकाल्दै लिभरपुलले नयाँ सिजनमा समेत शतप्रतिशत जितको नतिजालाई कायम राखेको छ ।

एलेक्जेन्डर लाकाजेट्टीले २५औं मिनेटमा आर्सनललाई खेलमा अग्रता दिलाएका थिए । त्यसको तीन मिनेटपछि साडियो मानेले खेल बराबरीमा ल्याए ।

रोबर्टसनले ३४ औं मिनेटमा घरेलु टोलीलाई अग्रता दिलाए । खेल सकिन दुई मिनेट अघि यसै सिजन लिभरपुल आएका फरवार्ड डियोगो जोटाले एनफिल्ड क्लबका लागि तेस्रो गोल गरे ।

आर्सनलले लिगका सुरुवाती दुई खेलमा जित निकालेको थियो । जित सहित लिभरपुलले ३ खेलमा ९ अंक जोड्दै तालिकाको दोस्रो स्थानमा छ ।

आर्सनल ६ अंक सहित तालिकाको पाँचौ स्थानमा छ ।