अखबार नेपाल ट्रेन्डिङ

एजेन्सी: इण्डियन प्रिमियर लिग (आईपीएल) क्रिकेटमा रोयल च्यालेन्जर्स बैंग्लोरले दोस्रो जित हात पारेको छ ।

मुम्बई इण्डियन्सलाई सुपर ओभरमा पराजित गर्दै बैंग्लोरले तेस्रो खेलमा दोस्रो जित हात पारेको हो । सुपर ओभरमा पहिले ब्याटिङ गरेको मुम्बईले कायरन पोलार्डको ५ र हार्दिक पाण्ड्याको २ रनको मद्दतमा ७ रन बनायो ।

८ रनको लक्ष्य पछ्याएको बैंग्लोरलाई एवी डेभिलियर्सले एक चौका र विराट कोहलीले एक चौका हान्दै जिताए । कोहलीले २ बलमा ४ तथा एवीडीले ४ बलमा ६ रन बनाए ।

यो संस्करणको आईपीएलको यो दोस्रो सुपर ओभर हो । यसअघि दिल्ली क्यापिटल्सले किंग्स ११ पञ्जाबलाई सुपर ओभरमा पराजित गर्दै खेल जितेको थियो ।

बैंग्लोरले दिएको २०२ रनको विजयी लक्ष्य पछ्याएको मुम्बईले निर्धारित २० ओभरमा २०१ रन बनाएपछि खेल सुपर ओभरमा गएको थियो ।

यसअघि खेलमा टस हारेर पहिलो ब्याटिङको निम्तो बनाएको बैंग्लोरले निर्धारित २० ओभरमा ३ विकेट गुमाउँदै २ सय १ रन बनाएको थियो ।