अखबार नेपाल ट्रेन्डिङ

एजेन्सीः जर्मन क्लब बायर्न म्युनिखले स्पेनिस क्लब सेभियालाई २–१ गोल अन्तरले हराउँदै यूईएफए सुपर कपको उपाधि जितेको छ ।

करिब २० हजार दर्शक उपस्थित रहेको खेलमा बायर्नले उपाधि उचालेको हो । कोरोना महामारीपछि पहिलो पटक मुख्य प्रतियोगितामा दर्शकलाई मैदान प्रवेशको अनुमती दिईएको थियो ।

खेलमा अग्रता सेभियाले १३औं मिनेटमा लुकास ओकम्पोसको पेनाल्टी गोलमा लिएको थियो ।

बायर्नका लियोन गोरेत्काले ३४ औं मिनेटमा खेल बराबरीमा ल्याएका थिए ।

निर्धारित समयको खेल १–१ गोलको बराबरीमा सकिएपछि खेल अतिरिक्त समयमा धकेलिएको थियो ।

अतिरिक्त समयमा जाभियर मार्टिनेजले बायर्नका लागि विजयी गोल गरे । वैकल्पिक खेलाडीको रुपमा मैदान छिरेका मार्टिनेजले बायर्नका लागि विजयी गोल गरेका हुन् ।

बायर्नले गत महिनामात्र च्याम्पियन्स लिगको उपाधि उचालेको थियो ।