अखबार नेपाल ट्रेन्डिङ

एजेन्सीः प्रिमियर लिग फुटबलमा लिभरपुलले लगातार दोस्रो जित निकालेको छ ।

गएराति भएको खेलमा लिभरपुलले चेल्सीलाई २–० गोल अन्तरले पराजित गर्दै जित निकालेको हो ।

चेल्सीको घरेलु मैदान स्टाम्फर्ड ब्रिजमा भएको खेलमा लिभरपुलका लागि दुबै गोल स्याडियो मानेले गरे ।

पहिलो हाफ गोलरहित बराबरीमा सकिएको खेलको ५० औं मिनेटमा मानेले अग्रता दिलाएका थिए ।

लगत्तै ४ मिनेट लिभरपुलले अग्रता दोब्बर बनायो ।

गोलरक्षक किपा अरिजाबालागाको गल्तीमा मानेले गोल गर्दै लिभरपुलको २–० को जित सुनिश्चित गरे ।

पहिलो हाफको इन्ज्युरी समयमा मानेमाथि फल हानेपछि चेल्सीका क्रिस्टियन्सनले रातोकार्ड पाएपछि चेल्सी १० खेलाडीमा समेटिएको थियो ।

जितसँगै लिभरपुलले तालिकामा ६ अंक जोडेको छ । लिभरपुलले अघिल्लो खेलमा लिड्सलाई ४–३ ले पराजित गर्दै विजयी सुरुवात गरेको थियो ।