अखबार नेपाल ट्रेन्डिङ

एजेन्सी: इण्डियन प्रिमियर लिग (आईपीएल)मा दिल्ली क्यापिटल्स विजयी भएको छ ।

नेपाली लेग स्पिनर सन्दीप लामिछानेबिना मैदान उत्रिएको दिल्लीले आफ्नो पहिलो खेलमा किंग्स-११ पञ्जाबमाथि जित निकालेको हो ।

निर्धारित २० ओभरको खेल बराबरीमा सकिएपछि भएको सुपर ओभरमा दिल्लीले जित हात पार्यो ।

सुपर ओभरमा दिल्लीका कागिसो रवाडाले पञ्जावका के एल राहुल र निकोलस पुरनलाई पेभिलियन पठाए ।

के एल राहुललाई कप्तान श्रेयर ऐयरको हातबाट क्याच आउट गराएका रावाडाले पुरनलाई बोल्ड गर्दै सुपर ओभरमा मात्र तीन रन दिए ।

सुपर ओभरमा पञ्जाबका ग्लेन म्याक्स्वेल शुन्य रनमा अविजित रहे ।

सुपर ओभरमा तीन रनको लक्ष्य पछ्याएको दिल्लीलाई रिसभ पत्नले जित दिलाए ।

पञ्जाबका लागि बलिङ गरेका मोहमद सामीले एक रन वाईड फालेपछि दिल्लीले शुन्य दशमलव २ ओभरमा जित हात पार्यो ।

सुपर ओभरमा दिल्लीका कप्तान श्रेयर ऐयर शुन्य रनमा अविजित रहे भने पन्तले २ रन जोडे ।

दिल्लीले दिएको १ सय ५८ रनको लक्ष्य पछ्याएको पञ्जाबले अन्तिम ओभरमा बराबरी रन बनायो ।

अन्तिम ओभरमा मयंक अग्रवाल ८९ रनमा आउट भएपछि १ सय ५८ रनको लक्ष्य पछ्याएको पञ्जाबले मात्र १ सय ५७ रन बनायो ।

पञ्जाबका केएल राहुलले २१, कृष्णप्पा गोवथामले २०, सर्फराज खानले १२ रन बनाए ।

पञ्जाबका अन्य ब्याट्सम्यानले दोहोरो अंकको स्कोर बनाउन सकेनन् ।

दिल्लीका कागिसो रावाडा र रविचन्द्र आश्विनले समान दुई-दुई विकेट लिँदा मोहित शर्मा र अक्षर पट्टेले १–१ विकेट लिए ।

टस हारेर पहिले ब्याटिङ गरेको दिल्लीले निर्धारित २० ओभरमा ७ विकेट गुमाउँदै १ सय ५७ रन बनायो ।

उसका लागि स्टोनिसले २० बलमा ७ चौका र ३ छक्काको मद्धतमा ५२ रन बनाए ।

यसअघि चार ओभरमा मात्र १३ रन हुँदा दिल्लीले तीन विकेट गुमाएको थियो ।

ओपनर सिखर धवनलाई शुन्य रनमा गुमाएको दिल्लीका लागि रिशभ पन्त र कप्तान श्रीयस ऐयरले ७३ रनको साझेदारी गर्दै राम्रो सुरुवात दिलाएका थिए ।

ऐयरले ३९ रन जोडे भने पन्तले ३१ रन जोडे । अन्य ब्याट्सम्यानले भने दोहोरो अंकमा रन बनाउन सकेनन् ।

दिल्लीलाई सस्तैमा समेट्न पन्जाबका लागि मोहम्मद सामीले सर्वाधिक तीन विकेट लिए ।

जितसँगै उपाधिको लक्ष्य सहित १३ औं संस्करणको आईपीएलमा सहभागि भएको दिल्लीले सुखद सुरुवात गरेको छ ।