अखबार नेपाल ट्रेन्डिङ

एजेन्सीः ब्राजिली फुटबल संघले राष्ट्रिय महिला टिमका खेलाडीलाई पुरुष सरहको सेवा सुविधा दिने भएको छ ।

संघका अध्यक्ष रोजरिया काबोकोले यस बर्षको मार्चबाट निर्णय कार्यान्वयनमा आएको बताएका छन् ।

‘यो बर्षको मार्चबाट पुरुष तथा महिला फुटबलको दैनिक भत्ता तथा पुरस्कारमा समान मुल्य बनाइएको छ ।’ उनले भनेका छन् । ‘राष्ट्रिय टिममा रहँदा खेलाडीले समान रुपमा कमाई गर्नेछन् । पुरुषले प्राप्त गर्ने रकम सरह नै महिलाले समेत प्राप्त गर्नेछन् ।’

अध्यक्ष काबोकेले संघले गरेको निर्णय अन्तराष्ट्रिय प्रतियोगिताहरु विश्वकप र ओलम्पिकमा समेत लागू हुने बताएका छन् ।

अष्ट्रिया, नर्वे तथा न्युजिल्याण्ड सहितका धेरै देशले महिला तथा पुरुष खेलाडीलाई समान तलब सुविधा उपलब्ध गराउँदै आएका छन् ।

कोरोना भाईरसको महामारीका कारण अन्तर्राष्ट्रिय प्रतियोगिता स्थगित हुँदा राष्ट्रिय टिमले कुनै प्रतिस्पर्धा गर्न पाएको छैन ।