अखबार नेपाल ट्रेन्डिङ

एजेन्सीः विश्व टेनिसको सबैभन्दा ठुला चार ग्राण्ड स्ल्याम मध्येको एक यूएस ओपन आजबाट शुरु हुँदैछ ।

अमेरिकाको न्युयोर्कमा आजबाट शुरु हुने युएस ओपनको पहिलो चरणमा पुरुष एकलतर्फ १८ तथा महिला एकलतर्फ ११ वटा खेल हुनेछ ।

आजका खेलहरु नेपाली समयानुसार राति पौने ९ बजेबनाट शुरु हुनेछ ।

बिना दर्शक खाली स्टेडियममा हुने युएस ओपन टेनिसमा युरोप, दक्षिण अमेरिका र पश्चिम एशियाबाट खेलाडीहरुलाई चार्टर्ड विमानबाट न्युयोर्क ल्याईएको छ ।

यसपटकको युएस ओपनमा २० पटकको ग्राण्ड स्लाम विजेता रोजर फेडेरर र १९ पटकको विजेता रफायल नडाल खेल्ने छैनन् ।

२१ वर्ष पश्चात पहिलो पटक फेडेरर र नडाल युएस ओपन नखेल्ने भएका हुन् ।

यी दुईको अनुपस्थितिमा विश्व नम्बर एक सर्बियन नोभाक जोकोभिकलाई आफ्नो करियरको १८औं ग्राण्ड स्लाम जित्ने उत्कृष्ट अवसर समेत हुनेछ ।

नडाल र फेडेरर नखेल्ने भएपछि जोकोभिकलाई रसियाका डेनियल मेदभेदेब, अस्ट्रियाका डोमिनिक थिम र ग्रीसका स्टिफनोस् सितसिपासबाट टक्कर पाउन सक्नेछन् ।

युएस ओपन पहिलो पटक सन् १८८१ मा खेलिएको थियो । १९६८ सम्म यस ग्राण्ड स्लामको नाम युएस टेनिस टुर्नामेन्ट रहेको थियो ।