ईटालियन सिरि ए फुटबलको उपाधि युभेन्ट्सले जित्यो
वि.सं.२०७७ साउन १२ सोमवार ०९:०३
एजेन्सी: ईटालियन सिरि ए फुटबलको उपाधि युभेन्ट्सले उचालेको छ ।
आईतबार राति साम्पोडियालाई २–० गोल अन्तरले हराउँदै युभेन्ट्सले लगातार नवौं पटक लिग उपाधि उचालेको हो ।
युभेन्ट्सलाई जित दिलाउन क्रिस्टियानो रोनाल्डो र फेडेरिको बर्नार्डेस्कीले एक एक गोल गरे ।
खेलको पहिलो हाफमा रोनाल्डोले गोल गर्दै युभेन्ट्सलाई अघि बढाएका थिए ।
६७ औं मिनेटमा बर्नार्डेस्कीले घरेलु क्लबका लागि दोस्रो गोल गर्दै टोलीको जित सुनिश्चित गरेका थिए ।
कोरोनाले अबरुद्ध लिग पुन सुरु भएपछि रोनाल्डोले युभेन्ट्सका लागि १० गोल गर्न सफल रहे ।
अन्तिम मिनेटमा पेनाल्टी खेर फालेका रोनाल्डोले क्लबको कीर्तिमान बराबरी गर्न असफल रहे ।
च्याम्पियन युभेन्ट्सको ८३ अंक छ । दोस्रो स्थानको ईन्टरको ७६ अंक छ । साम्पोडिया ४१ अंक सहित १५ औं स्थानमा छ ।
वि.सं.२०७७ साउन १२ सोमवार ०९:०३