अखबार नेपाल ट्रेन्डिङ

एजेन्सीः इंग्लिस प्रिमियर लिग फुटबलमा टोटेनहम बराबरीमा रोकिएको छ । बिहीबार राति भएको खेलमा टोटेनहम बर्नेमाउथसँग गोलरहित बराबरीमा रोकिएको हो ।

बर्नेमाउथको मैदानमा बल पोजिसनमा पकड जमाएपनि गोल गर्न नसक्दा बराबरीमा रोकिएको हो । खेलको अन्तिम समयमा बर्नेमाउथले गोल गरे पनि भीएआरको सहायताबाट रेफ्रीले कलम विल्सनको गोललाई मान्यता दिएन ।

बर्नेमाउथसँगको बराबरीसँगै टोटेनहमले ४९ अंक जोडेको छ । टोटेनहम लिगको नवौं स्थानमा रहेको छ । बर्नेमाउथ २८ अंक जोडेर रेलिगेसन क्षेत्रमा रहेको छ ।

प्रिमियर लिग अन्तर्गत नै एभर्टनले साउथह्याम्पटनसँग १-१ गोलको बराबरी खेल्दै अंक बाडेको छ ।