अखबार नेपाल ट्रेन्डिङ

काठमाडौं: युरोकप छनोट अन्तर्गतको खेलमा ईटली र स्पेनले आ-आफ्नो खेलमा जित हासिल गरेका छन् । डासीया एरिनामा भएको युरोकपको खेलमा इटलीले फिनल्याण्डलाई २-० गोल अन्तरले हराएको हो ।

खेलको सातौ मिनटमा नै इटलीले अग्रता बनाएको थियो । उसका लागि बारेलाले गोल गर्दै खाता खोलेका थिए । पहिलो हाफमा १-० को अग्रता बनाएको इटलीले दोश्रो हाफमा पुन एक गोल थप्यो । खेलको ७४ औं मिनटमा किनले गोल गर्दै इटलीका लागि २-० को जित दर्ता गराए । यसैगरी अर्को खेलमा स्पेनले नर्वेलाई २-१ गोल अन्तरले पाखा लगायो । भ्यालेन्सियामा भएको खेलको १६औं मिनटमा स्पेनका लागि रोड्रिगोले गोल गर्दै अग्रता दिलाए ।

पहिलो हाफमा एक गोलको अग्रता बनाएको स्पेन विरुद्ध ६५ औं मिनेटमा जे किङले गोल गर्दै नर्वेका लागि खेल बराबरीमा पुर्याए । यसको ६ मिनट नबित्दै फाउलका कारण पाएको पेनल्टीलाई सदुपयोग गर्दै सर्जियो रामोसले गोल गर्दै स्पेनको जित सुनिश्चित गरेका थिए ।