अखबार नेपाल ट्रेन्डिङ

एजेन्सीः विश्वभर महामारीको रुपमा फैलिएको कोरोना भाईरसका कारण टोक्यो ओलम्पिक २०२० अर्को वर्षसम्मको लागि स्थगित भएको छ । यसै वर्ष जापानको टोक्योमा जुलाई २४ मा तय भएको आलेम्पिक खेल अर्को वर्ष हुने अन्तर्राष्ट्रिय ओलम्पिक कमिटी आईओसीले जनाएको छ ।

आईओसीले अर्को वर्ष जुलाई महिनाभित्रमा ओलम्पिक खेल आयोजना गरिसक्ने जनाएको छ । तर उसले कहिले कुन मितिमा हुन्छ भन्ने भने ताकेको छैन । टोक्योमै आयोजना हुने पारालम्पिक समेत २०२१ सम्मका लागि स्थगित भएको छ ।

आयोजक टोक्यो २०२० र आईओसीले जारी गरेको संयुक्त विज्ञप्तिमा भनिएको छ, ‘अप्रत्याशित र अभुतपूर्व प्रकोपका कारण विश्व नै विक्षिप्त तुल्याएको छ ।’ ‘यो विपतको बेलामा गरिएको यो निर्णयले विश्वलाई उज्जवल आशाको किरण छर्ने विश्वास लिईएको छ । ओलम्पिकको ज्योतिले संसारलाई प्रकाश दिने कुरामा आयोजक र सरोकारवाला सबै सहमत भएका छौ’, विज्ञप्तिमा उललेख छ ।

तसर्थ ओलम्पिकको ज्योति जापान मै रहने निश्चित छ र प्रतियोगिातको नाम ओलम्पिक र पारालिम्पिक गेम्स् टोक्यो २०२० नै रहनेछ । ओलम्पिक शुरु भएको १ सय २४ वर्षे आधुनिक ईतिहासमा कहिल्यै पनि स्थगित भएको थिएन ।

सन् १९१६,१९४० र त्यसपछि १९४४ मा दोश्रो विश्वयुद्धको बेलामा ओलम्पिक रद्द नै भएको थियो । यसअघि क्यानडा, अष्ट्रेलिया र कायनडा लगायतका देशले टोक्यो ओलम्पिकमा सहभागिता नजनाउने औपचारिक निर्णय गरि सकेको थियो ।