अखबार नेपाल ट्रेन्डिङ

चौंथो संस्करणको झापा गोल्डकप फुटबल अन्तरगत आज अन्तिम सेमीफाईनल खेलमा त्रिभुवन आर्मी क्लब र क्यामरुनको दाफिन्स क्लबबीच प्रतिस्पधा हुनेछ ।

डोमालाल राजवंशी रंगशालामा हिजो भएको पहिलो सेमिफाइनल खेलमा थ्रीस्टार क्लबलाई टाइब्रेकरमा ३-१ गोलअन्तरले हराउँदै झापा-११ फाइनल प्रवेश गरेको हो । झापा गोल्डकपको चौथो सिजनसम्म आइपुग्दा आयोजक झापा लगातार चौथो पटक फाइनलमा प्रवेश गरेको छ ।

यद्यपी झापाले हालसम्म उपाधी रक्षा भने गर्न सकेको छैन । निर्धारित ९० मिनेटको खेल बराबरी भएपछि १५ मिनेट समय थप गरिएको थियो । थपिएको १५ मिनेटमा पनि कुनै गोल हुन नसकेपछि टाइब्रेकरबाट खेलको निर्णय गरिएको थियो । टाइब्रेकरमा थ्री स्टारका रजिन धिमालले मात्र गोल गर्न सकेका थिए । बुद्ध लिम्बुको प्रहार रोकियो भने रुपेश केसी र मिक्चेन तामाङको प्रहार बाहिरिएको थियो ।