अखबार नेपाल ट्रेन्डिङ

काठमाडौं: दृष्टि बिहिन तथा अपांगता भएका बालबालिकालाई जुजुमामा चिल्ड्रेन एजुकेशन एण्ड केयर सेन्टरले देशभर विभिन्न ठाउँबाट आएका दृष्टिविहीन बालबालिकाहरुलाई जाडो महिनामा न्यानो कपडा वितरण गरेको छ ।

विभिन्न जिल्लाका १२५ भन्दा बढी असाहय दृष्टिबिहीन बालबालिकाहरुलाई जाडो महिनामा उनीहरुलाई न्यानो कपडा वितरण गरिएको डिलाइट एक्सप्लोरिङ हेरिटेज म्युजिककका कार्यकारी अधिकृत राजेश गुरुङले जानकारी दिए ।

यसअघि पनि जुजुमामा चिल्ड्रेन एजुकेशन एण्ड केयर सेन्टरले डिलाइट च्यारिटी कन्सर्ट २०२३ आयोजना गरेको थियो । विद्यार्थीहरुले आफुले सिकेको सांगीतिक कला प्रस्तुत गरेका थिए । त्यसैगरी दृष्टि बिहिन तथा अपांगता भएका बालबालिकाहरुको म्यूजिकल ब्याण्ड ‘डिलाईट ब्यान्ड’ स्थापना भएको छ । जुजुमामा चिल्ड्रेन एजुकेशन एण्ड केयर सेन्टरले प्रत्येक वर्ष यस्ता सांगितिक कार्यक्रमहरु गर्दै आएको छ ।