अखबार नेपाल ट्रेन्डिङ

एजेन्सीः इंग्लिस क्लब म्यानचेष्टर युनाइटेड यूईएफए च्याम्पियन्स लिग २०२१-२२ सिजनको पहिलो खेलमै पराजित भएको छ ।

समुह ‘एफ’ अन्तर्गत मंगलबार राति भएको खेलमा इंग्लिस क्लब म्यानचेष्टर युनाइटेडलले पहिलो अग्रता लिएको थियो ।

एक गोलको अग्रता लिएर पनि अग्रता जोगाउन सकेन ।

आरोन बिसाकाले रातो कार्ड पाएपछि दश खेलाडीमा समेटिएको युनाइटेडमाथि स्वीस क्लब योङ ब्वाइजले २-१ को पुनरागमन जित हात पारेको हो ।

१२ वर्षपछि प्रिमियर लिग फर्केको क्रिस्टियानो रोनाल्डोले १३औं मिनेटमै गोल गर्दै युनाइटेडलाई अग्रता दिलाएका थिए ।

तर ३५औं मिनेटमा आरोन वान बिसाकाले रातो कार्ड पाएपछि युनाइटेड १० खेलाडीमा समेटियो ।

त्यसको फाइदामा योङ ब्वाइजले दोस्रो हाफमा दुई गोल गर्योन ।

६६औं मिनेटमा निकोलस एनगामालेगले योङ ब्वाइजको लागि बराबरी गोल फर्काए ।

त्यसपछि जोर्डन सिबात्सेउले इन्जुरी समयमा गोल गर्दै योङ ब्वाइजलाई जित दिलाए ।

समुह ‘एफ’कै अर्को खेलमा इटालियन क्लब एटलान्टा र स्पानिस क्लब भियारियलले २-२ को बराबरी खेल्दै अंक बाँडेका छन् ।

यो पनि पढ्नु होस्ः

प्रथम रिभाईभ लिजरपार्क खुल्ला राष्ट्रिय ब्याडमिन्टन च्याम्पियनसिप-२०७८ हुँदै