विश्वकप छनोट खेलमा युरो विजेता इटली बुल्गेरियासँग बराबरी
अर्जेन्टिनाले जित निकाल्दा इटली राेकियाे
वि.सं.२०७८ भदौ १८ शुक्रवार १४:०५
एजेन्सीः विश्वकप छनोट खेलमा युरो विजेता इटलीले बुल्गेरियासँग १-१ गोलको बराबरी खेलेको छ ।
युरो २०२० पछि इटललीले खेलेको यो पहिलो खेल थियो ।
यो खेलसँगै इटलीले ३५ खेलसम्म अपराजित रहने कीर्तिमान बराबरी गरेको छ ।
९० को दशकमा ब्राजिल र २००० को दशकमा स्पेन पनि ३५ खेलसम्म अपराजित थिए ।
इटलीका फेडरियो चिसाले १६औं मिनेटमा गोल गर्दै अग्रता दिलाएका थिए ।
पहिलो हाफको ४०औं मिनेटमा बुल्गेरियाका एटानास इलिभले खेलमा बराबरी गोल फर्काए ।
२०१८ मा पोर्चुगलसँग युईएफए नेशन्स कपमा हार व्यहोरेयता रोबर्टो म्यान्सिनीको टोली अपराजित छन् ।
ब्राजिल १९९३ देखि १९९६ सम्म अपराजित रहेको थियो ।
त्यसैगरी २००७ देखि २००९ सम्म स्पेन पनि ३५ खेलमा अपराजित थियो ।
भेनेजुयलामाथि अर्जेन्टिनाको जित
अर्जेन्टिनाले फिफा विश्वकप छनोट अन्तर्गत दक्षिण अमेरिकी छनोट खेलमा सहज जित निकालेको छ ।
शुक्रबार बिहान भएको खेलमा अर्जेन्टिनाले भेनेजुएलालाई ३–१ गोल अन्तरले हराएको हो ।
अर्जेन्टिनाको जितमा लाउटरो मार्टिनेज, जोआक्विन कोरेया र एन्जल कोरेयाले समान एक-एक गोल गरका थिए ।
भेनेजुएलाका एफर्सन सोटेल्डोले एक गोल फर्काए ।उक्त गोल जितको लागि अपर्याप्ता भयो ।
एफर्सनको गोल सान्तोना मात्र रहयो ।
भनेजुएला खेलको ३२ औं मिनेटमा १० खेलाडीमा समेटिएको थियो ।
भनेजुएलाका लुइज मार्टिनेज रातो कार्ड खाँदै मैदान छाडेका थिए ।
अर्जेन्टिनाका लागि पहिलो हाफको इन्जुरी समयमा मार्टिनेजले गोल गर्दै अग्रता दिलाए ।
पहिलो हाफमा एक गोलको अग्रता लिएको अर्जेन्टीनाले दोस्रो हाफमा दुई गोल थप्यो ।
७१ औं मिनेटमा जोआक्विनले गोल गर्दै अर्जेन्टिनाको अग्रता दोब्बर पारे ।
७४औं मिनेटमा कोरेएराले गोल गरेपछि अर्जेन्टिनाको अग्रता ३–० भयो ।
खेलमा अर्जेन्टीनाले शानदार विजयी निकाल्यो ।
भेनेजुएलाका सोटेल्डोले खेलको इन्जुरी समयमा पेनाल्टीमा गोल गरे पछि अर्जेन्टिना ३–१ ले विजयी भयो ।
जितसँगै अर्जेन्टिनाले ७ खेलमा १५ अंक जोडेको छ ।
भेनेजुएला ७ खेलमा ४ अंक जोडेर पुछारमा रहेको छ ।
त्यस्तै अर्को खेलमा बोलोभिया र कोलम्बियाले १–१ गोलको बराबरी खेलको छन् ।
इक्वेडरले पाराग्वेमाथि २–० गोलको जित निकाल्यो ।
यो पनि पढ्नु होस्ः
वि.सं.२०७८ भदौ १८ शुक्रवार १४:०५