अखबार नेपाल ट्रेन्डिङ

काठमाडौं:  प्रुडेन्सियल इन्स्योरेन्स कम्पनी लिमिटेडले ५८ करोड १६ लाख रुपैयाँ खुद बीमा शुल्क आर्जन गरेको छ । कम्पनीले गत आर्थिक वर्षको चौथो त्रैमाससम्म ५८ करोड १६ लाख रुपैयाँ खुद बीमा शुल्क आर्जन गरेको हो ।

प्रुडेन्सियल इन्स्योरेन्सले आज सार्वजनिक चौथो त्रैमास वित्तीय विवरणअनुसार समीक्षा अवधिको यो खुद बीमा शुल्क अघिल्लो वर्षको सोही अवधिको तुलनामा ४२.२७ प्रतिशतले बढी हो ।

अघिल्लोवर्ष कम्पनीले बीमा शुल्क आर्जन ४० करोड ८८ लाख रुपैयाँमा सीमित थियो। कम्पनीले लगानी, कर्जा तथा अन्यबाट हुने आयबापत ४ करोड ६१ लाख रुपैयाँ आर्जन गरेको छ।

अघिल्लो वर्ष यस्तो आय ४ करोड ५७ ला रुपैयाँमात्र थियो। पुनर्बीमा कमिसन आय १० करोड ८२ लाख रुपैयाँबाट बढेर ११ करोड १ लाख रुपैयाँ भएको छ।

यो अवधिमा कम्पनीले २० करोड ८२ लाख रुपैयाँ खुद दाबी भुक्तानी गरेको छ। अघिल्लोवर्ष २४ करोड ७४ लाख करोड रुपैयाँ दाबी भुक्तानी गरेको थियो। खुद दाबी भुक्तानी १५.८२ प्रतिशतले कम हो।

कम्पनीको नाफा २७.६० प्रतिशतले बढेको छ। अघिल्लोवर्ष १७ करोड ६९ लाख रुपैयाँ नाफा गरेको कम्पनीले समीक्षा अवधिमा १३ करोड ८६ लाख रुपैयाँ नाफा आर्जन गर्यो।

कम्पनीको व्यवस्थापन खर्च ६.७२ प्रतिशतले वृद्धि भएर २० करोड २९ लाख रुपैयाँ पुगेको छ। अघिल्लो वर्ष व्यवस्थापन खर्च १९ करोड १ लाख रुपैयाँमा सीमित थियो।

कम्पनीको बीमा कोषको आकार १६.५० प्रतिशतले बढेर ६२ करोड ४२ लाख रुपैयाँको भएको छ। अघिल्लो वर्ष जीवनबीमा कोषमा ५३ करोड ५८ लाख रुपैयाँ रहेको थियो।

२४ करोड ७० लाख रुपैयाँ रहेको कम्पनीको जगेडा तथा कोषको आकार ४.६९ प्रतिशतले बढेर २५ करोड ८७ लाख रुपैयाँ भएको छ।

कम्पनीको जारी बीमालेखको संख्या १ लाख ५३ हजार ९११ रहेको छ। अघिल्लो वर्ष जारी बीमालेखको संख्या १ लाख १६ हजार ९३० रहेको थियो ।

चुक्तापुँजी १ अर्ब २ करोड रुपैयाँ रहेको कम्पनीको वार्षिकीकरण प्रतिसेयर आम्दानी १७.२४ रुपैयाँ, पीई अनुपात ४७ गुणा र प्रतिसेयर नेटवर्थ १८७.९४ रुपैयाँ रहेको छ।

यो पनी :

नबिल बैंकले  ४ अर्ब ५० करोड ४४ लाखभन्दा बढी नाफा आर्जन