अखबार नेपाल ट्रेन्डिङ

एजेन्सीः फ्रान्सेली लिग वान फुटबल आजबाट सुरु हुँदैछ ।

नयाँ सिजन अन्तर्गतका खेलहरु आजबाट सुरु हुन लागेका हुन् ।

गत सिजन लिग वानको उपाधि लिलेले जितेको थियो ।

आज हुने पहिलो खेल दर्शकसहित हुनेछ ।

फ्रान्सेली लिग वान फुटबल गत सिजन दर्शक विना नै लिग सकिएको थियो ।

आज हुने पहिलो खेलमा मोनाकोले नेन्ट्ससँग प्रतिस्पर्धा गर्नेछ ।

मोनाकोको घरेलु मैदानमा दुई टोलीबीचको खेल नेपाली समय अनुसार १०ः४५ बजे सुरु हुनेछ ।

आजको खेलमा दुबै टोली जित निकाल्दै प्रतियोगितामा सुखद सुरुवात गर्ने योजनामा छन् ।

लिग वानमा यो सिजन पेरिस सेन्ट जर्मन (पीएसजी) उपाधि दावेदारको रुपमा रहेको छ ।

पीएसजीले यो पटक युरोपाका ठूला खेलाडी अनुबन्ध गरेको छ ।

समर्थकसहित हुने प्रतियोगिताका लागि क्लबहरु पनि उत्साहित छन् ।

लिग वानमा समर्थहरु मैदान छिर्दा कोरोना विरुद्धको खोप लगाएको हुनु पर्नेछ ।

कोरोना रिपोर्ट नेगेटिभ आएको हुनु पर्नेछ ।

त्यसपछि मात्र दर्शकले खेल हेर्न अनुमति पाउनेछन् ।

यो पनि पढ्नु होस्ः

फिफा विश्वकप छनोट चरणका खेलमा पनि भिएआर प्रयोग हुने