अखबार नेपाल ट्रेन्डिङ

काठमाडौं: कोरोना भाइरसको संक्रमणबाट मृत्यु हुनेको संख्या ४ हजार ३१ पुगेको छ । संक्रमित भएका १ लाख १४ हजार ८ सय ९ मध्ये ६४ हजार २ सय ७७ जना उपचारपछि घर फर्किएका छन् । भाईरसका कारण विश्वका १ सय १३ वटा मुलुकमा ४६ हजार ५ सय १ जना उपचार भइरहेको बताईएको छ भने ५ हजार ७ सय ७१ जनाको अवस्था जटिल रहेको उल्लेख गरिएको छ ।

चीनमा कोरोना भाइरसबाट संक्रमित हुनेको संख्या ८० हजार ७ सय ६१ पुगेको छ भने मृत्यु हुनेको संख्या ३ हजार १ सय ३६ पुगेको छ । हाल ४ हजार ७ सय ९४ जनाको अवस्था जटिल रहेको जनाईएको छ ।

त्यस्तै इटालीमा कोरोना भाइरसबाट संक्रमित हुनेको संख्या ९ हजार १ सय ७२ पुगेको छ भने मृत्यु हुनेको सन्ख्या ४ सय ६३ पुगेको छ । भाईरसबाट हाल ७ सय ३३ जनाको अवस्था जटिल रहेको जनाईएको छ ।

इरानमा कोरोनाभाइरसबाट संक्रमित हुनेको संख्या ७ हजार १ सय ६१ पुगेको छ । मृत्यु हुनेको संख्या २ सय ३७ पुगेको जनाईएको छ ।

त्यस्तै दक्षिण कोरियामा कोरोना भाइरसबाट संक्रमित हुनेको संख्या ७ हजार ५ सय १३ पुगेको छ भने मृत्यु हुनेको संख्या ५४ पुगेको छ । भाईरसबाट दक्षिण कोरियामा ३६ जनाको अवस्था जटिल रहेको उल्लेख गरिएको छ ।

स्पेनमा कोरोना भाइरसबाट संक्रमित हुनेको संख्या १ हजार २ सय ३५ जना पुगेको छ भने ३१ जनाको मृत्यु भएको छ । हाल भाईरसका कारण ११ जनाको अवस्था जटिल रहेको जनाईएको छ ।

फ्रान्समा कोरोना भाइरसबाट संक्रमित हुनेको संख्या १ हजार ४ सय १२ जना पुगेको छ भने ३० जनाको मृत्यु भएको जनाईएको छ । भाईरसबाट ६६ जनाको अवस्था जटिल रहेको उल्लेख छ ।

त्यस्तै अमेरिकामा कोरोनाभाइरसबाट संक्रमित हुनेको संख्या ७ सय २९ जना पुगेको छ । भाईरसका कारण २७ जनाको मृत्यु भएको जनाईएको छ भने । हाल ८ जनाको अवस्था जटिल रहेको उल्लेख गरिएको छ ।

जापानमा पनि कोरोना भाइरसबाट संक्रमित हुनेको संख्या ५ सय ४३ जना पुगेको छ भने १० जनाको मृत्यु भएको छ । भाइरसबाट ३३ जनाको अवस्था जटिल रहेको तथ्यांक सार्वजानिक भएको छ ।