अखबार नेपाल ट्रेन्डिङ

एजेन्सीः बेलायतकी ६२ वर्षीया स्वास्थ्यमन्त्री नादिन डोरिसलाई कोरोनाभाइरसको संक्रमण भएको छ । संक्रमणपछि उनी आफ्नै घरको आइसोलेसनमा छिन् । कन्जरभेटिभ पार्टीकी सांसद्समेत रहेकी स्वास्थ्यमन्त्री डोरिस स्वयंले आफूलाई कोरोनाभाइरस पुष्टि भएको बताएकी हुन् ।

कोरोनाभाइरस पुष्टि भएपछि आवश्यक सल्लाहपछि निजी घरको आइसोलेसनमा रहेको उनले जानकारी दिएकी छिन् । चीन उदगम भएर फैलिएको कोरोना बेलायतमा पनि फैलँदो अवस्थामा छ । त्यहाँ अहिलेसम्म कोरोना संक्रमणका कारण ६ जनाको मृत्यु भइसकेको छ भने सय ८२ जनामा कोरोनाको लक्षण देखिएको छ ।