अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओली मिर्गौला प्रत्यारोपणका लागि आज अस्पताल भर्ना हुने भएका छन् । स्वदेशमै मृगौला प्रत्यारोपण गर्ने इच्छा जनाएका प्रधानमन्त्री ओली आज शिक्षण अस्पताल महाराजगन्जमा भर्ना हुने ओलीको नेकपा सचिवालयले जनाएको छ ।

हिजो सम्पन्न नेकपाको सचिवालय बैठकमा प्रधानमन्त्री ओलीले आफ्नो स्वास्थ्योपचारको योजनाबारे जानकारी गराएका थिए । दुवै मिर्गौला फेल भएपछि ०६४ सालमा भारतको एपोले अस्पतालमा ओलीको पहिलो पटक मिर्गौला प्रत्यारोपण गरिएको थियो ।

शिक्षण अस्पतालको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा बुधबार प्रधानमन्त्री ओलीको मृगौला प्रत्यारोपण हुनेछ । यसअघि फेरिएको मृगौलाले गत कात्तिकदेखि काम गर्न छोडेपछि ओलीले नियमित डायलाइसिस गराईरहेका छन् ।

ओलीको पहिलो पटक १२ वर्ष अगाडि भारतको एपोलो अस्पतालमा मिर्गौला प्रत्यारोपण गरिएको थियो । यसपटक ओलीलाई झापाकी भाञ्जी नाता पर्ने एक महिलाले मिर्गौला दिन लागेको बताइएको छ ।