अखबार नेपाल ट्रेन्डिङ

काठमाडौं: आज देशव्यापी रुपमा सामूदायिक विद्यालय बन्द गर्दै आम शैक्षिक हड्तालमा उत्रिने राहत शिक्षक समितिले घोषणा गरेको छ ।

सामूदायिक विद्यालयमा विगत लामो समयदेखि कार्यरत राहत तथा बालविकास शिक्षकहरुले शान्तिपूर्ण आन्दोलन गरिरहँदा आफूहरुलाई प्रहरीले हातपात गरेको भन्दै आज देशभरका सामूदायिक विद्यालय बन्द गर्ने निर्णय गरेका हुन् । राहत शिक्षक केन्द्रिय समिति र बालविकास शिक्षक केन्द्रिय समितिले संयुक्त रुपमा पत्रकार सम्मेलन गर्दै यसको विरोधमा आज देशव्यापी रुपमा सामूदायिक विद्यालय बन्द गर्दै आम शैक्षिक हड्तालमा उत्रिने घोषणा गरेको हो ।

देशव्यापी रुपमा सामूदायिक विद्यालय बन्द गरेर शैक्षिक हड्ताल गर्दापनि माग पूरा भएन नभए आउँदै गरेका विद्यालयका वार्षिक परीक्षा र एसईई परीक्षासम्म अवरोध गर्ने उनिहरुले जनाएका छन् । शान्तिपूर्ण रुपमा आन्दोलन गर्दा प्रहरीले हस्तक्षेप र ज्यादती गरेको कारण दबाब दिन विद्यालय बन्द गर्नुपरेको जनाएका छन् । ८० हजार राहत र बालविकास शिक्षकहरु पेशागत गुणस्तर र सुरक्षाको माग राख्दै लामो समयदेखि संघर्षरत छन् ।