अखबार नेपाल ट्रेन्डिङ

काठमाडौं: सभामुख चयनको निर्णयक छलफलका लागि नेकपा अध्यक्ष पुष्पकमल दाहाल अर्का अध्यक्ष तथा प्रधानमन्त्री केपी ओलीलाई भेट्न बालुवाटार पुगेका छन् ।

पाँच दिनको संवादहिनता तोड्दै प्रधानमन्त्री ओली र दाहालले बिहीबार छलफल गरेका थिए । उक्त छलफल सकारात्मक भएपछि आज निर्णयक छलफल हुन लागेको हो । प्रचण्डले अडान नछोडेपछि ओली लचक हुने संकेत देखिएको स्रोतले जानकारी दिएको छ ।

आजको छलफलले नेकपाभित्र अबको सभामुख को भन्नेमा निर्णय आउन सक्ने सम्भावना छ । पूर्व माओवादीतर्फबाट सभामुखका लागि चर्चामा रहेका नाममा अग्नि सापकोटा, पम्फा भुषाल, देव गुरुड छन् । यस बाहेक पनि हरिबोल गजुरेल, जर्नादन शर्मा या टोपबहादुर रायमाझी मध्येबाट पनि सभामुखका रुपमा प्रचण्डले प्रस्ताव गर्न सक्ने स्रोतको भनाइ छ । पूर्व माओवादीलाई नै सभामुख दिन ओली लचक बनेको खण्डमा नामका विषयमा भने ओलीको पनि रोजाई हुन सक्ने बताइएको छ ।