अखबार नेपाल ट्रेन्डिङ

काठमाडौं: विद्यार्थीहरुको फलामे ढोका मानिएको एईई परीक्षा आगामी चैत्र ६ गतेदेखि सुरु हुने भएको छ । राष्ट्रिय परीक्षा बोर्डको बैठकले एसईई परीक्षा आगामी चैत्र ६ गते सुरु भई चैत्र १७ गते सम्पन्न गर्ने निर्णय गरेको हो ।

कक्षा १० मा अध्ययनरत विद्यार्थीहरुले विद्यालय तहको अन्तिम परिक्षालाई एसईई परीक्षा भन्ने गरिएको छ । यसअघि एसएलसी परिक्षा भन्ने गरिएको थियो । यस वर्षको एसइईमा नियमिततर्फ करिव चार लाख विद्यार्थी सहभागी हुने बोर्डले जानकारी दिएको छ । त्यस्तै गत वर्ष दिएर अनुत्तिर्ण भएकाहरुको संख्या एक लाख हुने अनुमान गरिएको छ ।

कूल परीक्षार्थी संख्या पाँच लाख पुग्ने अनुमान गरिएको छ । सोही अनुसार तयारी गरिएको समेत बोर्डले जनाएको छ । आगामी पुस ९ गतेसम्म फारम भर्ने म्याद दिई हाल सहभागी हुने विद्यार्थीको फारम संकलन गर्ने काम भइरहेको परीक्षा बोर्डले जनाएको छ । परीक्षा तालिका भने सार्वजनिक गरिसकेको छैन ।