अखबार नेपाल ट्रेन्डिङ

काठमाडौ: नेकपा सचिवालय बैठकको आज पार्टी कार्यालय धुम्बाराहीमा बस्ने भएको छ । गत बुधबार बसेको सचिवालय बैठकले उपनिर्वाचन समीक्षा र पार्टीको एकता प्रकृया टुंग्याउन आज विहान ९ बजे बस्ने भनिएको बैठक सचिवालयका सदस्यहरुको समयलाई ख्याल गर्दै समय परिवर्तन गरी १ बजे बस्ने भएको हो ।

आइतबार अध्यक्ष पुष्पकमल दाहालले सोमबारको बैठकमा पेश गर्ने एजेण्डाका बारेमा पार्टी नेताहरुसँग छलफल गरेका थिए । आजको बैठकमा दाहालले विभिन्न बैचारिक तथा सांगठानिक प्रस्ताव पेश गर्ने तयारी गरिएको जनाईएको छ । दाहलको प्रस्तावमा पार्टी एकता प्रकृयालाई पूर्णता दिँदै ६ महिने अभियान चलाउने योजना समेत समेटेको बताइएको छ ।

यसैबीच प्रधानमन्त्री केपी शर्मा ओलीले आजै मत्रिपरिषद बैठक बोलाउनुभएको छ । प्रधानमन्त्रीले आज ४ बजे मन्त्रिपरिषद बैठक बोलाउनुभएको प्रधानमन्त्रीको सचिवालयले जनाएको छ । प्रधानमन्त्री ओली अस्वस्थ भएपछि झण्डै दुई सातायता मन्त्रिपरिषद बैठक बस्न सकेको थिएन ।