अखबार नेपाल ट्रेन्डिङ

काठमाडौं: नेपाल आदिवासी जनजाति पत्रकार महासंघ (फोनिज)को जिल्ला शाखा काठमाडौंमा भीम बहादुर लामाको अध्यक्षमा १३ सदस्यीय कार्यसमिति सर्वसम्मत चयन भएका छन् ।

आइतबार काठमाडौंमा सम्पन्न फोनिजको ७औ जिल्ला अधिवेशबाट लामा अध्यक्षमा सर्वसम्मत चयन भएका हुन् । यस्तै उपाध्यक्षमा सुदिना श्रेष्ठ, सचिवमा रत्नकाजी महर्जन, कोषाध्यक्षमा दीपा सुनुवार, सह-सचिव (महिला)मा नितु डंगोल सर्वसम्मत चयन भएका छन् ।

यसैगरी फोनिज काठमाडौं शाखाको सदस्‍यहरूमा खुल्लातर्फ वेदबहादुर गुरूङ र किच: सिंह डंगोल, यस्तै महिला सदस्‍यतर्फ राधिका लो, सरला चौधरी, सिर्जना मगर र अन्जना राई, संस्थागतर्फ अजय खड्गी र पासा काजी शेर्पा चयन भएका छन् ।

फोनिजले जिल्ला अधिवेशनबाट प्रदेश र संघीय प्रतिनिधिहरू समेतलाई सर्वसम्मत चयन गरेको छ । प्रदेशतर्फ ६ महिलासहित २० गरी २६ जना तथा संघीयतर्फ ७ महिला र १३ खुल्ला गरी २० जना चयन गरेको छ ।

प्रदेश प्रतिनिधितर्फ विमला मानन्धर (महिला), सरस्वती श्रेष्ठ सरू (महिला), मिङ्‌मा लामा (महिला), सबिका श्रेष्ठ (महिला), मनमाया स्याङ्बो (महिला), अनिता डंगोल (महिला), उदेन न्हुसामी, सुरज मानन्धर, एलबी सागर, प्रदीपकुमार श्रेष्ठ, हिरो लोप्चङ, तेज नाछिरिङ राई, दसीराम थारू, मनोजरत्न शाही, सञ्जय उदास, लक्ष्मीराम सुनुवार, अनुप प्रधान, रामबहादुर मगर, कर्साङ तामाङ, विष्णुराज श्रेष्ठ, डिगबहादुर श्रेष्ठ, तेजनारायण महर्जन, प्रजित शाक्य, हेमप्रकाश राई, श्याम लामा र प्रेम लामा चयन भएका छन् ।

यस्तै संघीय प्रतिनिधितर्फ गंगादेवी महर्जन (महिला), मिक्साङ वाइबा तामाङ (महिला), यशोदा भुजेल (महिला), शुशिला तामाङ (महिला), सुप्रिया राई (महिला), मञ्जु तामाङ (महिला), निशा तामाङ (महिला), पूर्णभक्त दुवाल, हरिगोपाल प्रधान, निरज रञ्जित, प्रविण श्रेष्ठ, सुरेन्द्रभक्त श्रेष्ठ, अर्जुनबहादुर तामाङ, लालकुमार मोक्तान, सहदेव चौधरी, अमिर लामा, नेपोलियन चेपाङ, कमल राना, विगेन तुलाधर र दिलिप तामाङ चयन भएका छन् ।

अधिवेशनपछि नवनिर्वाचित पदाधिकारी काठमाडौं शाखा, प्रदेश तथा संघीय प्रतिनिधिहरूलाई रेडियो नेपालका कार्यकारी निर्देशक अमरध्वज लामाले पद तथा गोपनीयताको शपथ ग्रहण गराएका थिए । शपथपछि काठमाडौं शाखाका नवनिर्वाचित अध्यक्ष भीमबहादुर लामाले आदिासी जनजाति पत्रकारहरूको हकहितका लागि आफू सधैं दत्तचित भएर लाग्ने प्रतिवद्धता समेत व्यक्त गरे ।