अखबार नेपाल ट्रेन्डिङ

काठमाडौं: फागु पूर्णिमाका दिन ललितपुर महानगरपालिका-२६ ढोलाहिटी, राजकुलो ओसिसमार्गमा दुई युवकको हत्या घटनामा संलग्न आरोपमा पक्राउ परेकामध्ये चार जनालाई मात्रै मुद्दा चलनउने तयारी गरिएको छ ।

सो घटनामा संलग्न आरोपमा पक्राउ परेकामध्ये प्रहरीले मंगलबार बिहान खोटाङको साकेला गाउँपालिका-२, सेखुवा स्थायी वतन भई हाल ललितपुर महानगरपालिका-२६, जैनखेल बस्ने होटल सञ्चालक ३१ वर्षीय विजय राई, खोटाङको साकेला गाउँपालिका-२, सेखुवा स्थायी वतन भई ललितपुर-१५, खुमलटार बस्ने होटल सञ्चालक वर्ष ३० का सुलभ राई, भोजपुरको ट्याम्केमयुङ गाउँपालिका-२, अन्नपूर्ण स्थायी वतन भई हाल ललितपुर-२६ जैनखेल बस्ने वर्ष ३८ का विशाल हाङ मुकारुङ राई र काठमाडौँको गोकर्णेश्वर-११ स्थायी वतन भई हाल ललितपुरको महालक्ष्मी नगरपालिका-६, सानागाउँ बस्ने वर्ष २५ का छेड्वीहाङ राईलाई सार्वजनिक गरेको हो ।

घटनापछि राजु गुरुङ भन्ने व्यक्ति भने फरार रहेकाले उनको खोजी भइरहेको प्रहरीले जानकारी दिएको छ । प्रतिवादी ५ जना भएपनि तत्काललाई भने पक्राउ परेका ४ जनाविरुद्ध मात्रै प्रहरीले मुद्दा अघि बढाउन लागेको हो ।