अखबार नेपाल ट्रेन्डिङ

काठमाडौं: संविधानसभा सदस्य तथा राप्रपा नेतृ दालकुमारी सुनुवारको निधन भएको छ । शनिबार नेपाल क्यान्सर हस्पिटल हरिसिद्धि ललितपुरमा उपचारको क्रममा उनको निधन भएको हो ।

सुनुवार सेवा समाज संघिय समिति सल्लाहकार समेत रहेकी ८१ वर्षीया सुनुवार पछिल्लो समय थाइराइड क्यान्सरबाट ग्रसित थिईन् । रामेछाप उमाकुण्ड गाउँपालिका-६ गुप्तेश्वर निवासी सुनुवार दोस्रो संविधान सभामा सदस्य थिइन् ।

उनी राष्ट्रिय पञ्चायतको सदस्य समेत थिइन् । पञ्चायतकालकै चर्चित नेतृ सुनुवार रामेछापको राजनीतिमा जीवितमध्ये पहिलो पुस्ताकी राजनीतिज्ञ तथा समाजसेवी हुन् ।