क्रिकेटर सन्दीप लामिछानेविरुद्धको मुद्दाको पेसी आज
वि.सं.२०८० पुस ११ बुधवार ०९:४५
काठमाडौं: क्रिकेटर सन्दीप लामिछानेविरुद्ध परेको मुद्दाको पेसी आजका लागि तोकिएको छ । काठमाडौं जिल्ला अदालतका न्यायाधीश शिशिरराज ढकालको इजलासमा मुद्दाको सुनुवाइ भइरहेको छ ।
आइतबार बहस नसकिएकाले मुद्दा हेर्दाहेर्दैमा राखेर अन्तिम फैसलाका लागि आज उनकै इजलासमा पेसी तोकिएको हो । मंसिर २४ गते न्यायाधीश पदमराज पाण्डेको इजलासमा मुद्दाको पेशी तोकिए पनि लामिछानेका कानुन व्यवसायीबाट सुनुवाइ स्थगित गरेको थियो ।
यस अगाडि न्यायाधीश केशवप्रसाद घिमिरेको एकल इजलासले मुद्दामाथि सुनुवाइ गर्दै दुवै पक्षका कानुन व्यवसायीहरूलाई बहस नोट पेश गर्न आदेश दिएको थियो । लिखित बहस नोट पेस गर्न मंसिर २२ सम्मको समय दिएर पेसी तोकिएको हो ।
बहसलाई छोट्याउन सरकारी पक्ष र प्रतिवादीका कानुन व्यवसायीबाट बहस नोट झिकाइएको हो । लामिछानेमाथि काठमाडौंको गौशालास्थित एक होटलमा नाबालिका बलात्कार गरेको आरोप छ ।
वि.सं.२०८० पुस ११ बुधवार ०९:४५