अखबार नेपाल ट्रेन्डिङ

काठमाडौं: सिंहदरबारस्थित प्रधानमन्त्री तथा मन्त्रिपरिषद् कार्यालयमा मन्त्रिपरिषद् बैठक सुरु भएको छ । बैठकमा प्रधानमन्त्री पुष्पकमल दाहाल ‘प्रचण्ड’को आसन्न भारत भ्रमणका एजेण्डा, नियमिति काम कारबाही र बजेटका विषयमा केन्द्रित रहेर छलफल जारी रहेको जनाईएको छ ।

आइतबार बिहान लगानी बोर्डको बैठकपश्चात उनले मन्त्रिपरिषद्को बैठक बोलाएका हुन् । आर्थिक वर्ष २०८०/०८१  को बजेट जेठ १५ गते संसदमा प्रस्तुत हुँदैछ ।

प्रधानमन्त्री प्रचण्ड यही जेठ १७ गतेदेखि ४ दिने भारत भ्रमणमा जाँदै छन् । त्यस्तै नागरिक उन्मुक्ति पार्टीका संस्थापक तथा टीकापुर घटनामा कैद भुक्तान गरिरहेका रेशम चौधरीको कैद मिनाहा गर्ने गरी सरकारले फाइल अघि बढाएको छ ।