अखबार नेपाल ट्रेन्डिङ

काठमाडौं: आवश्यक गृहकार्य नपुगेको भन्दै मंगलबार स्थगित भएको नेकपाको सचिवालय बैठक आज पुन: बस्दैछ । गृहकार्य नपुगेको भन्दै मंगलबार तीन बजे बोलाइएको बैठक स्थगित भएसँगै आज ११ बजेको लागि पुन: सचिवालय बैठक डाकिएको हो ।

रिक्त आयोगमा जिम्मेवारी तोक्ने एजेण्डासहित बैठक डाकिएको स्रोतले जनाएको छ । लामो रस्साकस्सीपछि विभाग र जनवर्गीय संगठनको जिम्मेवारी टुंग्याएको नेकपाले केन्द्रीय आयोगहरू गठन गर्न भने बाँकी छ । नेकपाको विधानमा ६ वटा आयोग रहने व्यवस्था छ ।

नेकपामा केन्द्रीय अनुशासन आयोग, केन्द्रीय लेखापरीक्षण आयोग, केन्द्रीय निर्वाचन आयोग, राष्ट्रिय परिषद्, केन्द्रीय सल्लाहकार परिषद् र केन्द्रीय ज्येष्ठ कम्युनिस्ट मञ्चमा जिम्मेवारी तोक्न बाँकी छ । यसअघि बसेको सचिवालय बैठकले वरीयतामा अध्यक्षद्वयपछि झलनाथ खनाल र माधवकुमार नेपाललाई राख्ने निर्णयसमेत गरिसकेको छ ।