अखबार नेपाल ट्रेन्डिङ

काठमाडौं: पशुपति क्षेत्र विकास कोषले बुधबार पत्रकार सम्मेलन गर्दै शिवरात्रीको तयारी तीव्र पारेको जनाएको छ ।

कोषका कार्यकारी निर्देशक घनश्याम खतिवडाले यो वर्ष २० लाख दर्शनार्थी आउने अनुमान गरेको बताए । संस्कृति, पर्यटन तथा नागरिक उड्डयनमन्त्री सुदन किरातीको अध्यक्षतामा मूल समारोह समिति गठन भएको र सोही समिति मार्फत काम हुने उनले बताए ।

शिवरात्रीका लागि ट्राफिक सुरक्षा लगायतका अन्य व्यवस्थापन राज्यका अंगहरुसँग समन्वय गरेर गर्ने कोषले जनाएको छ । शिवरात्रीमा राष्ट्रपति पशुपतिनाथ आउने कार्यक्रम रहेकाले सुरक्षा व्यवस्था चुस्त बनाइने कोषले जनाएको छ ।

त्यस्तै शिवरात्रीमा पशुपति क्षेत्र परिसरमा कोषको बाहेक कुनैपनि लोगो, पर्चा, ब्यानर लान नपाउने व्यवस्था गरिएको कोषले जनाएको छ । त्यस्तै कोषले शिवरात्रीका लागि ८० लाख रुपैयाँ खर्च छुट्याएको छ । यो खर्च विवरण फागुन मसान्तसम्ममा सार्वजनिक गर्ने कोषले जनाएको छ ।