अखबार नेपाल ट्रेन्डिङ

काठमाडौं: राप्रपालाई सरकारमा सामेल गराउन उसले राखेको माग पूरा गरेसँगै उपप्रधानमन्त्री र थप दुई मन्त्री सहित राप्रपा सरकारमा जाने तयारी भईरहेको स्रोतले जनाएको छ ।

प्रचण्ड नेतृत्वको सरकारले १६ वर्षअघि नेपाली कांग्रेसका नेता तथा तत्कालीन प्रधानमन्त्री गिरिजाप्रसाद कोइरालाको मन्त्रिपरिषद्ले गरेको निर्णयलाई खारेज गर्दै स्व. पृथ्वीनारायण शाहको जन्मजयन्ती अर्थात् पुस २७ लाई राष्ट्रिय एकता दिवसका रूपमा मनाउने निर्णय गरेको छ ।

प्रधानमन्त्री प्रचण्डले राप्रपालाई मन्त्रिपरिषदमा सहभागी हुन दिएको निमन्त्रणामा राप्रपाले केही सर्त राखेको थियो । यसमध्ये दिवस सम्बन्धि शर्तपनि एक प्रमुख शर्त थियो ।

राष्ट्रिय प्रजातन्त्र पार्टीका नेता एवं सांसद ध्रुवबहादुर प्रधानले अहिलेको गठबन्धन सरकारमा शसर्त सामेल हुने बताएका छन् । उनले संसदीय दलको नेता राजेन्द्र लिङ्देनकै नेतृत्वमा सरकारमा जाँदा उचित हुने मत आएको पनि औंल्याए । प्रधानले भने, ‘सरकारमा को-को जाने, कसरी जाने भन्ने सम्पूर्ण जिम्मा पार्टी अध्यक्षलाई जिम्मा दिएका छौं ।

राप्रपाले उपप्रधानमन्त्री मागेर जानुभन्दा पनि जनतालाई के डेलिभरी दिन सक्छौं भन्ने हिसाबले सोचेको पनि प्रधानले बताए ।