अखबार नेपाल ट्रेन्डिङ

काठमाडौं: थापाथलीस्थित सुकुम्बासी बस्ती हटाउन प्रहरी परिचालन गरिएको छ । बागमती सभ्यता सर्वाधिकार सम्पन्न समितिले सुकुम्बासी बस्ती हटाउन प्रहरी परिचालन गरेको हो ।

त्यस्तै समितिको समन्वयनमा महानगरपालिकाले त्यहाँ डोजर चलाउन प्रहरी परिचालन गरेको काठमाडौं महानगरपालिकाका नगर प्रहरी उपरीक्षक दिनेश अर्यालले जानकारी दिए ।

उनका अनुसार बस्ती खाली गर्न समय दिइएको थियो । ‘समितिले सहयोग मागेका कारण सहयोगी भूमिका निर्वाह गरेका हौं,’ उनले भने, आज बस्ती खाली गर्ने योजना छ ।’

काठमाडौंको बागमती किनारका सुकुम्बासी बस्तीलाई हटाउन बागमती सभ्यता सर्वाधिकार सम्पन्न समितिले केही दिन अघि १० दिने सूचना जारी गरेको थियो ।