अखबार नेपाल ट्रेन्डिङ

काठमाडौ : नाबालिका बलात्कारको आरोप लागेका राष्ट्रिय क्रिकेट टोलीका निवर्तमान कप्तान सन्दीप लामिछाने आज नेपाल आउने संभावना रहेको छ ।

उनी नेपाल आउन सक्ने भएपछि उनलाई विमानस्थलबाटै पक्राउ गर्नका लागि प्रहरीले विमानस्थलमा सुरक्षा निकायलाई हाईअलर्ट राखिएको छ ।

भदौ ६ गते उनी केन्यामा हुने टी-२० खेलका लागि गएका थिए। त्यहाँबाट क्यारेबियन प्रिमियर लिग (सिपिएल) खेल्न उनी वेष्ट इन्डिज पुगेका थिए।

क्यानले उनलाई निलम्बन गरेपछि लामिछानेले सिपिएल पनि खेल्न पाएनन्।
उनलाई काठमाडौ जिल्ला अदालतले पक्राउ गर्न अनुमति दिसकेको छ । १७ वर्षीय युवतीले सन्दीपले आफूलाई एयरपोर्टमा रहेको एक होटेलमा राती १२ बजे पटक पटक बलात्कार गरेको भन्दै गौशालामा रहेको प्रहरीको प्रभागमा निवेदन दिएका थिए । यसपछि उनलाई पक्राउ गर्न प्रहरीले सर्तकता अपनाएको हो ।