अखबार नेपाल ट्रेन्डिङ

झापा : प्रमुख प्रतिपक्षी दल नेकपा एमालेका अध्यक्ष केपी शर्मा ओलीले एमालेलाई हराउनको लागि मात्र गठबन्धन बनेको बताएका छन् । आज झापामा पार्टी प्रवेश कार्यक्रमलाई सम्बोधन गर्दै ओलीले एमालेलाई हराउन नसक्ने भएपछि आठ वा १० दलीय गठबन्धन गर्न लागिएको आरोप लगाएका हुन ।

एमाले हराउन गठबन्धन ठूलो पार्दै लगिए पनि केही फरक नपर्ने बताउँदै ओलीले ‘जस्तोसुकै साँठगाँठ र गठबन्धन गरे पनि मंसिर ४ गतेको चुनावमा एमाले एक्लैले बहुमत ल्याउने दाबी गरे ।
उनले गठबन्धन गर्ने राजनीतिक दलहरुलाई कमजोर भएको संज्ञा दिए । उनले कार्यक्रममा बोल्दै भने ‘बलिया भएको भए किन जोडिन पथ्र्यो र, कमजोरहरू मात्रै गठबन्धन गर्छन् । एमालेसँग एक्लै चुनाव लड्ने हिम्मत नभएकाहरू साँठगाँठ गर्दछन् । अपवित्र साँठगाँठको नाम नै गठबन्धन हो,’ ।

एमालेले सत्तामा बसेका पार्टीहरुको गठबन्धनमा कति वटा पार्टी सामेल भए त्यसबारे कुनै मतलब वा चासो नराख्ने अध्यक्ष ओलीले बताए । उनी हिजोदेखि आफ्नो निर्वाचन क्षेत्रमा चुनाव केन्द्रित कार्यक्रममा सहभागी भईरहेका छन् ।