अखबार नेपाल ट्रेन्डिङ

काठमाडौं: सत्ता गठबन्धनमा अहिले पाँच दलसँगै केही व्यक्ति थपिने क्रम जारी रहेको छ । यसरी थपिनेमा जसपाबाट अलग भएर नेपाल समाजवादी पार्टी गठन गरेका डा. बाबुराम भट्टराई र नेकपा विभाजनपछि नेकपा एकता राष्ट्रिय अभियान घोषणा गरेका वामदेव गौतम रहेका छन् ।

उनीहरुले माओवादी केन्द्रकै चुनाव चिन्हबाट चुनाव लड्न सहमत भएका छन् ।

यस अघिकै पाँच दलीय गठबन्धन त छदैछ । यसरी गठबन्धनसँगै गठबन्धनमा नेता तथा दल बढ्दै जाँदा कतै नेपाली कांग्रेसकै सिट घट्ने त होईन भन्नै आशंका डा.  शेखर कोईरालालाई पर्न गएको छ । उनले यस विषयमा चिन्ता पनि ब्यक्त गरेका छन् ।

उनी मात्र नभई कांग्रेसका अन्य नेताहरु पनि यसमा चिन्ता ब्यक्त गर्न थालेका छन् । केही दिन अघि प्रधानमन्त्री समेत रहेका पार्टी सभापति शेरबहादुर देउवालाई आफूहलाई ४० प्रतिशत भागभण्डा छुट्याउन माग समेत गरेका छन् ।

उनले आ-आफ्नै पक्षको छुट्टै भेला गरी ४० प्रतिशत सिट आफ्नो पक्षलाई दिन देउवा पक्षमाथि दबाब बढाएको छन् ।

कोइराला पक्ष यही कारण पनि गठबन्धनको विपक्षमा देखिएका छन् । यस्तो अवस्थामा कांग्रेसले नगरे अरू पार्टी गठबन्धन गर्ने र त्यसो हुँदा कांग्रेसको पक्षमा चुनाव परिणाम नआउने बुझाईका कारण देउवा पक्ष भने गठबन्धनकै पक्षमा देखिएका छन् ।