अखबार नेपाल ट्रेन्डिङ

काठमाडौं : नेपाल उद्योग वाणिज्य महासंघका अध्यक्ष शेखर गोल्छाले उद्योगीहरूले गर्ने लगानीलाई सहज बनाइदिन र उत्पादन गरेको वस्तुलाई अवरोध नगरिदिन सरकारसँग आग्रह गरेका छन् ।

उनले उद्योगीहरूलाई काम गर्ने वातावरण मिलाइदिन समेत सरकारसँग आग्रह गरेका छन् ।

हिजो उद्योग वाणिज्य तथा आपूर्ति मन्त्रालय र नेपाल उद्योग वाणिज्य महासंघबीच भएको समझदारी पत्रमा हस्ताक्षर कार्यक्रममा बोल्दै अध्यक्ष गोल्छाले हस्ताक्षरसँगै निजी क्षेत्र अब सरकारसँग जोडिएकाले अब निजी क्षेत्र र सरकार मिलेर रोजगारी र व्यवसाय विकासमा जोड दिने बताए ।

गोल्छाले रोजगारीलाई सहजीकरण गर्न, निर्यातलाई प्रोत्साहन गर्न, पर्यटकलाई स्वागत गर्न र राजश्व तिरेपछि पनि अपमान नगर्न सरकारसँग आग्रह गरे।

यस्तै निजी क्षेत्रले सम्मानपूर्वक पाउने हक अधिकारको सम्मान गर्न पनि सरकारसँग माग गरेका छन् । गोल्छाले समस्याको समाधानका लागि स्थायी संयन्त्र बन्ने बताउँदै पुँजीको लागत बढीरहेकाले उद्योगको बाटो सहज नभएको जानकारी दिए।