अखबार नेपाल ट्रेन्डिङ

काठमाडौं: नेकपा माओवादी केन्द्रका अध्यक्ष पुष्प कमल दाहाल(प्रचण्ड) यतिखेर कम्युनिष्ट पार्टीको एकताका लागि कम्मर कसेर लागि परेका छन् ।

राजनीतिक रुपमा चतुर खेलाडी रहेका प्रचण्डले आफूलाई केन्द्र भागमा राख्नका लागि यसभन्दा अगाडी पनि विभिन्न खालको राजनीतिक खेल खेलेका थिए ।

यसभन्दा अगाडी नेकपालाई विभाजन गर्न पनि उनले प्रमुख भूमिका निभाएका थिए । हाल नेकपा समाजवादी पार्टीका अध्यक्ष माधवकुमार नेपाललाई साथमा लिएर त्यसबेला एमाले फुटाउन पनि महत्वपूर्ण भूमिा खेलेका प्रचण्ड यतिखेर फेरी नेकपा समाजवादी केन्द्र निर्माणका लागि चलखेल शुरु गरेका छन् । यसैका लागि भर्खर मात्र जनता समाजवादीबाट अलग भएको डा. बाबुराम भट्टराईलाई मनाउन लागिपरेका छन् ।

गत सोमबार नेकपाकालीन सचिवालयका पाँच सदस्यको बैठकले पनि वाम एकताका लागि पहल गर्ने निर्णय गरेको थियो। यसका निम्ति संयोजन समितिनै गठन गरेर गृहकार्य सुरू भइसकेको छ।
अहिले प्रचण्डकै डिजाइनअनुसार वामपन्थी शक्तिलाई मिलाउने कार्यलाई अगाडी बढिरहेको छ ।

यसकै लागि डा. भट्टराईलाई मनाउनल प्रचण्ड कस्सिएका छन् । उनले यसअघि पनि भट्टराईलाई भेटेका थिए । आज पनि फेरी दुई नेताबीच भेट भएको प्रचण्डको सचिवालयले पुष्टि गरेको छ ।
भेटमा भट्टराईले कम्युनिष्ट नाम राखेर आफू कुनै पनि गठबन्धनमा सामेल नहुने जनाउ प्रचण्डलाई दिएका छन् । तर प्रचण्डले गठबन्धनमा जसरी पनि भट्टराईलाई समेट्ने गरी अगाडी बढेको बताईन्छ ।