अखबार नेपाल ट्रेन्डिङ

चितवन : हिजो साँझ साढे सात बजे अनिल परियारमापथि छुरा प्रहार हुँदा उनको मृत्यु भएको छ । हिजो बेलुकी करिब ७:३० बजे भरतपुर महानगरपालिका वडा नम्बर १२ का २८ वर्षीय परियारमाथि छुरा प्रहार भएको प्रहरीले जनाएको छ।

भरतपुर महानगरपालिका वडा नम्बर ७ कृष्णपुर खेलमैदान नजिकै परियारमाथि छुरा प्रहार भएको थियो।

हतियार प्रहारबाट गम्भीर घाइते भएका परियारलाई उपचारका लागि चितवन मेडिकल कलेज लगिएको थियो। चिकित्सकहरूले उनको मृत्यु भइसकेको बताएका थिए।

उनको शव भरतपुर अस्पतालमा राखिएको छ।

जिल्ला प्रहरी कार्यालय चितवनका प्रहरी नायब उपरीक्षक नरहरि अधिकारीले परियारमाथि हतियार प्रहार गर्ने समूहको खोजि भइरहेको सेतोपाटीलाई बताए।

उनलाई आक्रमण गर्ने समूहको पहिचान भइसकेको छैन।

परियार गत वर्ष चितवन कारागारमा कैद सजाय भोगेर छुटेको बताइएको छ। उनी नेपाली कांग्रेसनिकट थिए।